தோனி கேப்டனாக வருவார்னு முன்கூட்டியே தெரியும்: மனம் திறக்கும் சச்சின்!

1 month_ago 4
கடந்த 2007ஆம் ஆண்டு , சவுரவ் கங்குலி, ராகுல் திராவிட் ஆகியோர் இளம் வீரர்களுக்கு வழிவிட்டு ஒதுங்கிக் கொண்டனர். அதே ஆண்டு உலகக் கோப்பை டி20 தொடரும் வந்தது. இளம் இந்திய அணிக்கு யாரை கேப்டனாக தேர்வு செய்யலாம் என்று சச்சினிடம் ஆலோசனை கேட்டுள்ளது. தோனிக்கு அறிவு அதிகம். நிலைமைகளைக் கண்காணித்து அதற்கேற்றார் போல் பில்டிங் செட் செய்கிறார். அதனால், தோனியை கேப்டனாக நியமிக்கலாம் என்று சச்சின் பரிந்துரைத்துள்ளார். இதுதொடர்பாக பத்திரிக்கை ஒன்றுக்கு சச்சின் பேட்டியளித்தார். அப்போது பேசுகையில், அப்போது என்ன நடந்தது என முழுமையாக எனக்குத் தெரியாது. பிசிசிஐ மூத்த அதிகாரி என்னிடம் வந்தார். இளம் இந்திய அணிக்கு யாரை கேப்டனாக தேர்வு செய்யலாம் என்று ஆலோசனை கேட்டார். கேப்டனாக தோனியை நியமிக்கலாம் என சில உதாரணங்களுடன் விளக்கினேன். தென்னாப்பிரிக்க சுற்றுப் பயணத்தின் போது தோனியின் அருகில் நின்று பில்டிங் செய்தேன். அப்போது நிலைமைக்கு ஏற்றவாறு பீல்டிங் செட் செய்து கொண்டிருந்தார். அவருடன் உரையாடும் போது கிரிக்கெட் பற்றிய அறிவு அவருக்கு நிறைய இருந்தது தெரியவந்தது. அப்போதே முடிவு செய்தேன். தோனிதான் அடுத்த இந்திய அணியின் கேப்டன். போட்டி எப்படி நகர்ந்து கொண்டிருக்கிறது என தோனியால் துல்லியமாகக் கணிக்க முடியும். அதற்கேற்றார் போல் பீல்டிங் செட் செய்ய தோனியால் முடியும். அதனால் தோனியை கேப்டனாக நியமித்தால் சிறப்பாக இருக்கும் என்று பிசிசிஐ அதிகாரியிடம் தெரிவித்தேன். அவர்களும் ஆலோசித்து தோனியை கேப்டனாக்கினார்கள். தோனிக்கும் எனக்கும் ஒரே மாதிரியான எண்ணங்கள் இருப்பதாக உணர்ந்தேன். அவருடைய செயலிலும் என்னுடைய செயலிலும் சில ஒற்றுமைகள் இருந்தன. அதனால் தான் தோனியைப் பரிந்துரைக்க நான் விரும்பினேன் என்று சச்சின் தெரிவித்தார். டெஸ்ட் அணியின் கேப்டனாக 2008ஆம் ஆண்டு முதல் செயல்பட்டார். அந்த காலகட்டத்தில் சச்சின், விரேந்திர சேவாக், திராவிட், விவிஎஸ் லக்‌ஷ்மண், ஹர்பஜன்சிங், ஜாகீர் கான் போன்ற முன்னணி வீரர்களும் டெஸ்ட் அணியில் இருந்தனர் என்பது குறிப்பிடத்தக்கது.
Read Entire Article